Keppt verður í úrslitum í meistaraflokki karla og kvenna kl 15:30 í Tennishöllinni í Kópavogi á Íslandsmóti innanhúss. Úrslitaleikir í barna- og unglingaflokkum fara fram frá kl 8:30-13:30 í Tennishöllinni Kópavogi í dag.
Í meistaraflokki karla mætast feðgarnir Raj K. Bonifacius og Rafn Kumar Bonifacius báðir úr Tennisdeild Víkings. Raj lagði Vladimir Ristic úr Tennisfélagi Kópavogs í undanúrslitum 6-3 6-4. Rafn Kumar lagði Magnús Gunnarsson úr Tennisfélagi Kópavogs 6-1 6-0 í hinum undanúrslitaleiknum. Raj varð Íslandsmeistari innanhúss í fyrra og hefur því titil að verja.
Í meistaraflokki kvenna mætast Hjördís Rósa Guðmundsdóttir úr Badmintonfélagi Hafnafjarðar og Anna Soffia Grönholm úr Tennisfélagi Kópavogs en Hjördís Rósa getur varið Íslandsmeistaratitil sinn með sigri í leiknum. Hjördís Rósa sigraði Heru Björk Brynjarsdóttur úr Fjölni í undanúrslitum í þriggja setta leik 6-0 4-6 6-2 og Anna Soffia sigraði Heklu Mariu Jamilu Oliver 6-2 6-0.
Hægt er að fylgjast með úrslitum í öllum flokkum með því að smella á flokkana hér fyrir neðan: