Alþjóðleg mótatækifæri fyrir íslenska U12 / U14 / U16 leikmenn árið 2026

Tennissamband Íslands vill vekja athygli foreldra og forráðamanna efnilegra yngri leikmanna á nýju og spennandi samstarfsverkefni Norðurlandanna, „Nordic Solidarity Playing Opportunities 2026–2027.“

Samkvæmt samkomulagi sænska, danska, finnska og norska tennissambandsins verða sérstaklega frátekin sæti (wild card / organizer acceptance) fyrir leikmenn frá Íslandi í völdum Tennis Europe 12/14/16 mótum á Norðurlöndum. Þetta skapar verðmæt tækifæri fyrir íslenska unglinga til að fá alþjóðlega keppnisreynslu og byggja upp reynslu fyrir framtíðarverkefni.

Mót sem standa til boða árið 2026

• Noregur – Holmenkollen: 4.–10. maí (https://te.tournamentsoftware.com/tournament/FCDD29DE-871B-4EAE-9B67-1FE33B85CF5C)
• Finnland – Vierumäki: 1.–7. júní (https://te.tournamentsoftware.com/tournament/A7C14039-E5B3-4E5D-BCBA-4033D0E09FD7)
• Danmörk – Hørsholm: 3.–9. ágúst (https://te.tournamentsoftware.com/tournament/27215CE0-DE50-4C76-886D-6A0660DDF270)
• Svíþjóð – Gautaborg: 28. nóvember – 4. desember (https://te.tournamentsoftware.com/tournament/2AE1CF5A-5579-44EE-8C0E-E076BF423EA8)

Þessi mót henta sérstaklega vel metnaðarfullum yngri leikmönnum sem vilja fá reynslu af alþjóðlegri keppni, spila við sterka erlenda andstæðinga, safna Tennis Europe stigum og undirbúa sig fyrir framtíð í landsliðsverkefnum.

Við hvetjum foreldra og leikmenn sem hafa áhuga á þessum tækifærum til að hafa samband tímanlega til að fara yfir hvaða mót henta best.

Fyrir nánari upplýsingar vinsamlega hafa samband við Raj í síma 820-0825 eða netfang: raj@tennis.is