Rafn Kumar spilaði vel í einliðaleiknum og sigraði 6-4 6-4
Ísland spilaði á móti Svartfjallalandi í dag á Davis Cup í Eistlandi. Svartfjallaland sigraði Andorra naumlega 2-1 í gær.
Rafn Kumar Bonifacius spilaði fyrsta leikinn fyrir Ísland á móti Rrezart Cungu sem spilar númer 2 fyrir Svartfjallaland. Rafn Kumar spilaði vel og sigraði 6-4 og 6-4.
Birkir Gunnarsson spilaði á móti Ljubomir Celebic sem er númer 627 í heiminum og spilar númer 1 fyrir Svartfjallaland. Ljumbomir var hreinlega of sterkur fyrir Birki sem laut í lægra haldi 6-2 og 6-2.
Í tvíliðaleiknum spiluðu Birkir og Rafn Kumar á móti Ljubomir Celebic og Pavle Rogan. Svartfellingarnir voru sterkari og sigruðu 6-3 og 6-3.
Á morgun spilar Ísland við Andorra upp á 3.sætið í riðlinum.