Ísland tapaði 2-1 á móti Andorru í gær á Davis Cup. Raj K. Bonifacius byrjaði vel í einliða og sigraði Pau Gerbaud-Farras 7-6 og 6-3 sem spilar númer 3 fyrir Andorra. Í hinum einliðaleiknum spilaði Andri Jónsson á móti Jean-Pabtiste Poux-Gautier sem er númer 1576 í heiminum og spilar númer 1 fyrir Andorra. Andri átti ágætist leik en tapaði 7-6 og 6-3.
Í tvíliðaleiknum lentu Raj K. Bonifacius og Leifur Sigurðarson í þriggja setta hörkuleik á móti Jean-Pabtiste Poux-Gautier og Jordi Vila-Vila sem spila númer 1 og 4 fyrir Andorra. Leikurinn endaði með sigri Andorra manna 2-6, 6-0 og 6-4.
Ísland hefur því lokið leik sínum í riðlakeppninni og spilar á morgun við San Marínó um 9.sætið.