TSÍ hefur ákveðið að breyta fyrirkomulagi á starfi landsliðsþjálfara frá og með næstu áramótum og auglýsir því eftir umsóknum um stöður þjálfara landsliða bæði karla og kvenna. Ný starfslýsing þjálfara beggja liða er þannig:
Jan – apríl: Skipulag æfinga, markmiðasetning og samskipti við leikmenn. Öll samskipti vegna mótahalds Davis Cup og Billy Jean King. Þjálfari mætir á eina æfingu á mánuði á tímabilinu en felur fyrirliða að annast aðrar æfingar.
Maí – ágúst: Þjálfari mætir áfram mánaðarlega en einum mánuði fyrir mót mætir þjálfari á allar æfingar. Þjálfari fylgir liðinu á mót (DC og BJK), annast allt skipulag og skilar öllum skýrslum til bæði ITF og TSÍ.
Sept – des: Skipulag æfinga, markmiðasetning og samskipti við leikmenn. Þjálfari mætir á eina æfingu á mánuði á tímabilinu.
Árslaun þjálfara eru kr. 500.000 og að auki eru greiddir dagpeningar fyrir keppnisferðir. Sá þjálfari sem annast Smáþjóðaleika hverju sinni fær greiddar aukalega kr. 100 þúsund + dagpeninga.
Umsóknum skal skilað á landslidsnefnd@tsi.is fyrir 1. desember 2025.